Anxela López Leiceaga durante o desenvolvemento do taller

Taller “O poder de amarse, tocarse, e ser tocado”

Convidada por FADEMGA Galicia plena inclusión, Anxela López Leiceaga, presidenta de Vigalicia, acudiu ao Carballiño a dinamizar un taller de asistencia sexual dirixido ás persoas con diversidade intelectual.

Baixo o título: “O poder de amarse, tocarse, e ser tocado”, no encontro destacouse a importancia da formación en sexualidade das persoas con diversidade funcional, como un primeiro paso para facer realidade este dereito humano recoñecido nos artigos 12, 23 e 25 da Convención da ONU .

Anxela fixo fincapé na toma de conciencia da necesidade de reivindicarnos como seres sexuados, desexantes e desexados. Un factor clave na transformación social para o cambio desa percepción asistencial e paternalista predominante que nos infantiliza e anula como persoas. Un cambio de paradigma necesario e fundamentado nos dereitos humanos, onde a sexualidade xoga un papel fundamental no empoderamento, na igualdade e na liberdade das persoas.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar