A misión de VIgalicia é posibilitar o dereito de toda Persoa con Diversidade Funcional a exercer o poder de decisión sobre a súa propia existencia e participar activamente na vida da súa comunidade, igual que calquera outro cidadán.
Un dous fins de VIgalicia é servir como instrumento de apoio e intermediación para a consecución e xestión de recursos suficientes para a Asistencia Persoal baixo a filosofía da Vida Independente.
A sociedade non considera ás persoas con diversidade funcional como cidadáns de pleno dereito que aspiran a ter unha vida propia. Seguen véndonos como seres incapaces, sen dereito á intimidade, indefensos, enfermos, suxetos de caridade, de protección e de tutela.
Sexamos claros, trátase de escoller entre manter a dominación dos invisibles, os dependentes, os sen parte, ou pór os esforzos en visibilizar, mesturarnos, ás persoas diversas como cidadás e cidadáns libres e iguais, formando parte da experiencia humana corrente, común.
As persoas con diversidade funcional afirmámonos como cidadáns de pleno dereito, non como suxeitos marxinais, perceptores pasivos de servizos sociais. Esta obviedade segue sen tomar carta de natureza na concepción máis política da comunidade.
QUEN SOMOS?
Somos unha asociación sen ánimo de lucro, composta e xestionada por persoas con diversidade funcional. Queremos exercer o poder de decisión sobre a nosa propia existencia e participar activamente na vida da súa comunidade igual que calquera outro cidadán. VER MÁIS
OFICINA DE VIDA INDEPENDENTE
En marzo de 2010 VIgalicia incorporou entre os seus servizos unha Oficina de Vida Independente baixo as premisas do Movemento de Vida independente. VER MÁIS
ASISTENCIA PERSOAL
A asistencia persoal permite ás persoas con diversidade funcional asumir plena responsabilidade e control sobre as súas vidas. Proporciona solucións personalizadas e posibilita así a independencia, a igualdade de oportunidades e a participación social. VER MÁIS
FILOSOFÍA DE VIDA INDEPENDENTE
Considera a persoa con diversidade funcional, como un suxeito titular de dereitos e obrigas cidadáns, de poder levar unha vida plena e activa, de controlar a súa vida, de decidir e de avaliar a súa situación e tomar decisións ao respecto, en definitiva de actuar tan independente como calquera cidadán. VER MÁIS
Presentación do nº 87 da Revista Galega de Educación
