De esquerda a dereita: Beatriz Mato, Coro Piñeiro e Jose Antonio Nóvoa

Vigalicia reúnese coa conselleira de Benestar para debater sobre as propostas do novo decreto

A directiva de Vigalicia reuniuse coa conselleira de Traballo e Benestar, Beatriz Mato, para presentar a súa desconformidade co recén aprobado decreto do 4 de febreiro, polo que se regula o procedemento para o recoñecemento da situación de dependencia e do dereito a prestación do sistema para a autonomía e atención a dependencia.

Dende a perspectiva de Vigalicia o decreto é o marco normativo sobre o que se vai a desenvolver o sistema de autonomía persoal de Galicia, pero non sirve para construir as ferramentas sociais que a Convención da ONU de 2006 recolle, e pode afectar aos dereitos fundamentales que a Constitución Española outorga. De igual xeito, a asociación indicou que o texto fundaméntase nuns principios asistencialistas, lonxe de promover a filosofía de vida independente e fomenta a desigualdade.

A escaseza da contía establecida neste decreto para asistencia persoal e as negativas implicacións do copago sobre as persoas que teñen acceso ao emprego foron outra das críticas que Vigalicia achegou á conselleira de Traballo durante a reunión, na que tamén estaba presente a Directora Xeral da Dependencia, Coro Piñeiro.

Así mesmo, durante o encontro abordouse o modelo de asistencia persoal proposto no decreto, que a directiva de Vigalicia calificou de erróneo, advertindo de que de seguir adiante este sistema podería sentar un precedente legal equívoco para outras comunidades.

Pola súa banda, Beatriz Mato solicitou a Vigalicia información sobre os sistemas de asistencia persoal doutras experiencias exitosas e recoñeceu o valor da asistencia persoal como unha ferramenta útil para todos e comprometeuse a traballar na busca dunha mellora do modelo existente así como a investigar novas posibilidades de avance desta ferramenta xunto coa Consellería de Facenda.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar