Membros da plataforma momentos antes da reunión

Reunión da Plataforma de Usuarios do Proxecto Piloto de Asistencia Persoal con María Xesus Lago e Bieito Seara

Na maña de hoxe, 2 de outubro, un grupo de persoas con diversidade funcional pertencentes á Plataforma de Usuarios do Proxecto Piloto de Asistencia Persoal foron recibidos pola Secretaria Xeral de Benestar Social, María Xesus Lago, e polo Director Xeral de Acción Social, Bieito Seara, para manter unha reunión informativa na que tratar o futuro das 30 persoas con diversidade funcional que, ata o pasado 30 de setembro, formaron parte do Proxecto Piloto de Asistencia Persoal. En dita reunión os representantes de Benestar informaron do seguinte:

  1. O proxecto piloto continua sine die coas 30 persoas que participan nel, coas mesmas condicións que ata o de agora e ata formalización do sistema galego de AP.
  2. Todos os participantes recibiran por escrito de xeito individualizado esta información.

A Plataforma de Usuarios do Proxecto Piloto queda a disposición da Vicepresidencia para promover a Vida Independente en Galicia, e axudarlles en todo o que precisen para acadar unha política social digna en todos aqueles asuntos que afecten ás persoas con diversidade funcional en situación de dependencia, particularmente para o deseño e a formalización do futuro sistema galego de asistencia persoal.

A Plataforma considera aos usuarios do proxecto piloto como os mellores expertos e interlocutores coa Administración para promover o desexado Sistema Galego de Asistencia Persoal.

A Plataforma de Usuarios do Proxecto Piloto de Asistencia Persoal seguirá a traballar con todas quelas persoas e entidades que queiran poñer en práctica a Convención da ONU polos Dereitos das Persoas con Discapacidade en especial o referente ó artigo 19 referente ó dereito de vivir de xeito independente dentro da comunidade.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar