Corpos pendurados de fíos

Interveñen na Xornada: Asistencia sexual. Un dereito para a diversidade funcional

Dyon

Dyon Asistente Sexual
Dyon é práctico de terapias naturais e asistente persoal e sexual. Estudou Naturopatía e varias técnicas de terapias holísticas, como Musicoterapia, Fitoterapia, Reflexoloxía, Quiromasaxe, Terapia Zen e Masaxe Tántrico, entre outras. Actualmente é asesor en cuestións de acompañamento íntimo e erótico en Tandem Intimity.

O rol do asistente sexual é responder a todas as necesidades e desexos da persoa con diversidade funcional. Interactuar coa sexualidade de cada persoa sen importar o físico. Aproveitar a condición de cada corpo para xerar e facer circular a enerxía sexual do devandito corpo.

Título da intervención: “Testemuño dun Asistente Sexual”.


Antonio Centeno

Antonio Centeno
Barcelonés, profesor de matemáticas e activista do Foro de vida independente.

Canda a Raúl de la Morena é autor do destacado documental Yes, we fuck! que aborda a sexualidade das persoas com diversidade funcional. ¿Que pode achegar a realidade da diversidade funcional á sexualidad humana en xeral?

Participa na curta Nexos e noutros traballos audiovisuais, e no grupo de autoxestión de asistencia sexual Assex.

Traballa para o recoñecemento, valoración e goce das diferencias humanas, para que a visibilidade, a presenza e a participación das persoas con diversidad funcional acheguen valores e riqueza humana á construcción dunha sociedade que sea mellor para todo o mundo.

Título da intervención: “Empoderamento e disidencias desde a sexualidade das persoas con diversidade funcional”.


Emma Placer Noriega

Emma Placer Noriega
Sexóloga, directora, formadora e terapeuta en Salud&Placer. (Escola-Gabinete de Sexoloxía). Proxecto multidisciplinar que engloba desde a consulta individual, até talleres, cursos e asesoramento a empresas.

Docente na UNED departamento Metodoloxía das Ciencias do Comportamento (Facultade de Psicoloxía) Onde ademais colabora activamente en labores de investigación e divulgación.

Tamén imparte relatorios e charlas para proxectos iberoamericanos de formación psicolóxica/sexolóxica online.

Colaboradora e voluntaria en APAMP VIGO onde imparte charlas e talleres sobre sexualidade en persoas con Parálise Cerebral, nun proxecto conxunto co psicólogo do centro.

Desde hai 10 anos dirixe, coordina e asesora ao grupo de franquías dedicadas á Xoguetería Erótica “El Placer Jugueteria

Presentadora de TV e habitual colaboradora en Radio e Prensa. Na actualidade o seu novo proxecto televisivo está a piques de estrearse e tratará sobre a sexualidade en todas as súas dimensións e será de difusión para 85 cadeas locais de toda España.

Título da intervención: “Abordaxe da sexualidade en persoas con diversidade funcional”.


María Clemente

Psicóloga e xerente de Tandem Team Barcelona, unha organización sen ánimo de lucro que no só divulga senón que serve de enlace entre usuarios e asistentes sexuais.

O usuario que quere descubrir ou retomar a súa sexualidade ponse en contacto co servizo Tandem Intimity. María faille unha entrevista na que explica como funciona a asistencia, coñece o seu perfil e escoita as súas necesidades. Despois, busca entre o persoal de asistentes á persoa que mellor encaixe co usuario. É importante, que poida haber feeling, unha conversación, risas… Non só sexo.

Está moi familiarizada coa diversidade funcional, tivo unha relación de 5 anos cunha persoa con tetraplexia. Con el deuse conta do cambio que supón para unha persoa con diversidade funcional sentirse amado/a. É básico que todos nos sintamos dignos de ser amados.


Anxela López Leiceaga

Anxela López Leiceaga

Licenciouse en dereito na USC e durante oito anos foi asesora xurídica no movemento asociativo tradicional. Na actualidade é Xestora Administrativa e desde o 2010 Presidenta de VIgalicia.

Membro do Foro de Vida Independiente desde os seus inicios, no 2006 xunto cos outros membros do FVI en Galicia, funda a entidade VIgalicia, promotora e impulsora do proxecto de Asistencia Persoal e precursora do proxecto de Asistencia sexual que se vai iniciar en Galicia.

Participou no proxecto Yes, we fuck, un documental que quere facer visible o sexo en persoas con diversidade funcional e xerar así un novo imaxinario colectivo onde todos, sen complexos, sen censuras, sen prexuízos e sen discriminacións, poidamos gozar do sexo.

Título da intervención: “Asistencia sexual, aplicación en Galicia”.


Francesc Granja

Francesc GranjaEstudou ciencias empresariais e traballou durante varios anos como executivo de marketing e consultor. Agora é coach, divulgador motivacional e escritor. É autor do libro Vivir el sexo, onde explica que tras a súa lesión medular consiguiu deixar atrás a súa sexualidade instintiva e darlle a benvida a un tipo de sexualidade moito máis consciente e completa.

A súa paixón é defensa da singularidade a través da toma de conciencia. É presidente de Tandem Team Barcelona e impulsor do proxecto Tandem Intimity, a primeira proposta explícita para ofrecer un acompañamento íntimo e/ou sexual ás persoas con diversidade funcional.

Título da intervención: “A/o acompañante íntimo e/ou erótico para a diversidade funcional: Unha figura en construcción”.


Martina González Veiga

Martina González VeigaPsicóloga Sanitaria e Sexóloga. Fundadora do Centro de Sexoloxía Con mucho gusto! adicado a terapia sexual e de parella, obradoiros, formación e educación sexual, divulgación e asesoramento e venta de xoguetería erótica.

Vogal da Sociedade Galega de Sexoloxía e membro da Asociación Galega de Comunicación de Cultura Científica e Tecnolóxica.

Colaboradora habitual de diversos medios de comunicación de ámbito local e nacional. Actualmente ten unha sección semanal, os luns de 10:30 a 11:00h na Radio Galega, “Consellos con Sexo”. E escribe os artigos da sección Sexualízate na Universitaria Revista Comunicampus.

Directora das “V Xornadas Galegas de Saúde Sexual“, co lema “Diversidade Sexual: Tantas Sexualidades como Persoas”, celebradas en Pontevedra este mes de novembro.

Título da intervención: “Diversidade Funcional e Sexualidades: Unha cuestión de dereitos”.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar