Anxela López e Juan José Maraña

Participación de VIgalicia en “Somos e sumamos”

O dous de decembro celebrouse a I Xornada de Diversidade Funcional “Somos e sumamos”, organizada polo Grupo de Persoas con Discapacidade da Coruña (GRUMICO) en colaboración coa Unidade de Atención á Diversidade da Universidade da Coruña.

A xornada contou coa presenza de Anxela López Leiceaga e Juan José Maraña, membros de VIgalicia.

Na súa intervención Juan José Maraña presentou a Asistencia Persoal como un alicerce do modelo de Vida Independente. Fixo fincapé en que non deber ser confundida cun recurso asistencial e avogou para sexa recoñecida como un dereito de primeira orde. Espuxo ademáis o modelo de autoxestión que aplica VIGALICIA para prover aos seus usuarios dun instrumento emancipador e de máxima rendibilidade, tendo en conta os insuficientes recursos públicos coa que se financia á AP na nosa comunidade.

A sexualidade dende o punto de vista das persoas con diversidade funcional e os apoios precisos neste ámbito foi o tema do que tratou Anxela López Leiceaga. Falou da figura do asistente sexual, unha ferramenta que empodera a persoa con diversidade funcional e lles permite acceder ao seu corpo e a expresión sexual en igualdade de condicións que o resto dos cidadáns. Lembrou que a sexualidade é unha necesidade básica e fundamental para o benestar, un dereito humano recoñecido na Convención.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar