Anxela López Leiceaga durante a charla

Non somos nenas, somos mulleres diversas e iguais en dereitos

O pasado venres 21 de febreiro, o colectivo feminista ZEIVAS invitou á presidenta de VIGalicia, Anxela López Leiceaga a dar unha charla en Marín sobre a sexualidade das persoas con diversidade funcional con necesidade de apoios para poder vivir libremente.

A intervención que levou por título “non somos nenas, somos mulleres diversas e iguais en dereitos”, tivo a intención de reivindicar un tratamento igualitario para todas, incluída a diversidade funcional intelectual, fuxindo da dependencia e o control institucional, da familia e dos profesionais, tal e como dispón a Convención da ONU dos Dereitos das persoas con diversidade funcional.

Incidiu na obriga de garantir a sexualidade tanto na dimensión social como individual a través da Asistencia Persoal e a Asistencia Sexual, dereitos humanos recoñecidos nos artigos 19, 23 e 25 da citada Convención da ONU.

Fixo referencia á diversidade de apoios no exercicio da sexualidade, con especial mención ao proxecto “tus manos, mis manos” (AsistenciaSexual.org), no que colabora VIGALICIA, e a “Yes, we fuck”, documentario pioneiro na visibilización da sexualdade e a asistencia sexual a persoas con diversidade funcional.

Abriuse un interesante coloquio e unha lectura de conclusións, deixándose de manifesto a necesidade de unirnos, de reclamar que se cumpran os nosos dereitos a ser libres, donas dos nosos corpos e das nosa vidas.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar