Publico asistente á charla

“Nada sobre nós sen nós”, charla no CIFP Ánxel Casal

Baixo o lema “Nada sobre nós sen nós”, o pasado 25 de abril, Anxela López Leiceaga impartiu unha charla no CIFP Ánxel Casal da Coruña ao alumnado do Ciclo Medio de Atención ás Persoas en Situación de Dependencia.

Comezou a intervención explicando as diferenzas entre o Modelo de Vida Independente, baseado nos dereitos humanos, e onde o control e o poder de decisión sobre os asuntos da vida diaria reside na propia persoa con diversidade funcional, e, o modelo médico rehabilitador, un sistema asistencial e de caridade onde o control e o poder decisión sobre a nosa vida reside nos profesionais, nos voluntarios e na familia. Sistema baixo o que vivimos, aínda hoxe, as persoas con diversidade funcional

A continuación fixo unha exposición do Sistema de Asistencia Persoal existente en Galicia, incidindo na situación de precariedade na que nos atopamos: Obstaculización do modelo de autoxestión, insuficiencia de horas de asistencia, copagamento inxusto…

Lembrou tamén, que vindeiro 3 maio fanse dez anos do obrigado cumprimento por parte do Estado do estipulado na Convención da ONU, onde se recoñece como dereito humano a Asistencia Persoal que sexa necesaria, ferramenta imprescindible para poder participar na comunidade en igualdade de condicións ao resto dos cidadáns.

Para mellor compresión da importancia e significado das funcións deste apoio humano, proxectouse un vídeo onde se mostran as diferentes tarefas do asistente persoal.

Finalmente, fixo un chamamento á administración pública para que atenda as demandas de VIgalicia para traballar xuntos no cumprimento do mandato parlamentario do 20 febreiro do 2018, facendo posible a Vida Independente como alternativa á institucionalización das persoas.

O alumnado entendeu o inxusto e discriminatorio da realidade das persoas con diversidade funcional, en especial das persoas usuarias de Asistencia Persoal, e no coloquio posterior mostrouse moi participativa e interesada en afondar no coñecemento deste servizo.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar