Anxela López Leiceaga e o seu asistente persoal - FOTO: Antonio Hernández (El Correo Gallego)

Entrevista a Anxela López tras a condena a Vueling por denegarlle o embarque

Entrevista a Anxela López Leiceaga no programa Convivir en igualdade tras a recente condena a Vueling por denegarlle o embarque.

Terían que chegar a Santiago o 8 de setembro de 2015, pero fixérono cinco días despois, tras viaxar con outra aerolínea desde Ámsterdam a Barcelona, e completar en tren o resto do traxecto. Agora, o Xulgado do Mercantil Número 2 da Coruña condena a Vueling a indemnizar en 3.573,69 euros a Anxela López Leiceaga e ao seu asistente persoal pola denegación de embarque, os gastos de transporte e aloxamento, os intereses legais e o dano moral adicional causado pola negativa da compañía a autorizar a entrada ao avión dos demandantes, aducindo que o peso da cadeira de rodas motorizada que utiliza López Leiceaga, así como deficiencias na mesma, comprometían a seguridade do voo.

A mesma cadeira, lembra a demandante, voara con eles na viaxe de ida, realizado con Vueling entre Santiago e Ámsterdam o 3 de setembro, sen que o seu peso, recalca, representase problema ningún. En canto ás deficiencias alegadas pola compañía, explica que se produciron durante o transporte na viaxe de ida, aínda que non se detectaron ata o momento de preparación da cadeira para o seguinte embarque. En calquera caso, apunta, non afectaban o dispositivo eléctrico, de modo que non constituían risco ningún. Este punto, a cobertura por parte de Vueling dos gastos de reparación, é o único apartado desestimado pola xuíza, ante a dificultade de probar que efectivamente os danos se produciron no primeiro voo.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar