Compañeiros e compañeiras do proxecto piloto de asistencia persoal

Despois da xornada informativa que vivimos onte na Xunta, presidida pola directora da FUNGA e máis o subdirector xeral de discapacidade para informar da finalización do proxecto piloto de AP, VIgalicia quere comunicarvos o seguinte:

1º Conclusións acadadas despois da xornada do martes:

  • Queren disolver o proxecto sen máis explicacións.
  • Queren usar os baremos da Lei de Dependencia como criterio excluinte para aqueles usuarios e usuarias que non acaden o Grao III, nivel II e I
  • Deixan fora a toda persoa que non se someta a valoración segundo establece dita lei ainda que precise axuda de outra persoa para a vida diaria.
  • Disminuen as prestacións.
  • Desaparece o complemento de axuda de 3ª persoa das nosas pensións.
  • Aplicarán o copago.
  • Teremos que ou ben darnos nós de alta como empresarios para poder contratar o noso AP ou ben será o AP que o faga.
  • Só, se adxudicará AP se estudiamos ou traballamos.
  • Non se esta a cumprir co ideario do Movemento de Vida Independente no que se basa un sistema de asistencia persoal.

2º Ultimas informacións:

  • Comprobade que as mensaxes de vigalicia@vigalicia.org non foron enviadas á carpeta spam do voso correo. Se é así engadide a dirección á lista de contactos para que no sucesivo vos vaia á carpeta de entrada.
  • VIgalicia ven de enviar ós medios un comunicado de prensa que aparecerá no dia de mañá. Visitade a miudo a nosa web para a súa lectura e para manterse informado das últimas novas www.vigalicia.org
  • COGAMI está chamar aos usuarios e usuarias para informar (sen competerlle tal función) de que recibiron instrucción de que o piloto continuará nas mesmas condicións que ate o de agora para aqueles que presentaran a valoración.
  • Antón Novoa, recibiu esta mañá unha chamada da Sub-Secretaria Xeral do Benestar, Chus Lago, para que Antón transmitira a todos nós a seguinte información: a Sub-Secretaria lamenta a xornada de onte e desautoriza o dito polo FUNGA xa que o proxecto continuará.
  • Non cumplen coa Proposición Non de Ley aprobada no Parlamento de Galicia.

3º Puntos que nós, como usuarios e usuarias de asistencia persoal imos defender:

  • Nin un paso atrás do acadado ate o de agora, aínda que insuficiente, é un principio.
  • Niguén excluido pola súa valoración: 30 eramos e 30 seremos
  • Non admisión de criterios de valoración derivados da Lei de Dependencia xa que non foi pensada para as nosas necesidades.
  • Non ao copago.
  • Non a cargar enriba dos 1300 euros de agora os costes de contratación, nin o complemento de 3ª persoa.
  • Non a limitar a AP para o estudo e o traballo.
  • Non a calqueira alternativa que se afaste dos principios de Vida Independente.
  • Non a formación de AP’s por axentes externos: so nós podemos formar ós nosos AP’s, só nós somos os únicos expertos da nosa vida.
  • Non a esta prolongación do proxecto un mes máis xa que o único que queren é desactivarnos e calmarnos para que dentro de un mes se repita a historia.

Accións que VIgalicia vai emprender e para as que solicita a participación de todas as persoas afectadas: usuarios, asistentes personais e familiares:

  • Comunicado de prensa informando da situación esperpéntica vivida onte na Xunta.
  • Carta informativa ao Parlamento de Galicia e aos Grupos Parlamentarios que foron os que nos respaldaron nos comenzos de este proxecto.
  • Convocada unha rolda de prensa para o venres día 26 na entrada principal da Estación de Autobuses de Santiago de Compostela (ao lado da Xunta) para informar ós medios. A rolda de prensa terá lugar dende o interior da Xaula que xa usamos noutras ocasións, vede esta performance.
  • Outras accións. Se precisa saber quenes estarían dispostos a participar nelas. Por favor, contactade con vigalicia
  • Solicitar que os AP’s se mobilicen tamén e fagan algún tipo de comunicado ou accións que decidan.

¡NADA SOBRE NÓS SEN NÓS!

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar