Anxela López Leiceaga durante a charla

Asistencia Persoal Autoxestionada no CIFP Compostela

O pasado 6 de Novembro, os alumnos da materia da autonomía persoal e social do ciclo superior de integración social do CIFP Compostela, contaron coa presencia de Anxela López, presidenta de VIgalicia. O obxectivo da charla foi que coñecesen o labor que vén realizando dende o 2006 a Oficina de vida independente na consecución dunha alternativa á institucionalización das persoas discriminadas pola súa diversidade funcional.

Lembrou que, a día de hoxe, non se dispón dunha asistencia Persoal digna e adecuada as necesidades individuais de cada ser humano. Carecemos da posibilidade de escoller como queremos vivir, un dereito recoñecido na convención da ONU de obrigado cumprimento dende o 2018.

Insistiu en que non se require unha formación previa para traballar como Asistente persoal. Que o adestramento nas súas funcións debe partir da propia persoa con diversidade funcional, que é a que mellor coñece as súas necesidades.

Finalizou a súa intervención proxectando un vídeo que mostra as diferentes tarefas e o rol do asistente persoal, onde a propia persoa con diversidade funcional é quen leva o control da propia asistencia.

O Acto desenvolvese cunha alta participación e moito interese do alumnado por entender o paradigma dos dereitos humanos.

Este sitio utiliza cookies propias e de terceiros. Se segues navegando considérase que aceptas a política cookies. Máis información

As opcións de cookie neste sitio web están configuradas para "permitir cookies" para ofrecerche mellor experiencia de navegación. Se segues utilizando este sitio web sen cambiar as opcións ou premes en "Aceptar" estarás consentindo as cookies do sitio. Aviso legal

Pechar