Noticias

Noticias

“Somos e sumamos” I Xornada de Diversidade Funcional

Cartel da I Xornada de Diversidade Funcional 'Somos e sumamos'

O próximo venres dous de decembro celébrase a I Xornada de Diversidade Funcional “Somos e sumamos”, organizada polo Grupo de Persoas con Discapacidade da Coruña (GRUMICO) en colaboración coa Unidade de Atención á Diversidade da Universidade da Coruña.

Proxección de Yes, we fuck en Ponteareas

Cartel do festival das brétemas.JPG

O pasado sábado, 1 de outubro, proxectouse o documental "yes, we fuck" no salón de plenos da Casa do Concello de Ponteareas. O acto, organizado pola asociación cultural FestiVal das Brétemas forma parte da V edición, dedicada a "Corpos e sexualidades", e contou coa presenza de Anxela López membro do Foro de Vida Independente e presidenta de VIgalicia.

Anxela, participante no documental, falou da importancia de visibilizar a sexualidade das persoas “diferentes” como algo natural e necesario, deses corpos que a sociedade non considera normais, que os discrimina e os oculta.

VIGalicia trasládalles as súas propostas ás forzas políticas galegas

Representantes das organizacións políticas e de VIgalicia durante a reunión

O martes 6 de setembro a sede da Fundación Euxenio Granel de Santiago de Compostela acolleu unha mesa redonda de carácter informativo. Na mesma, os representantes de VIGalicia (Vida Independente Galicia) Anxela López, Juan José Maraña, Kiko Fernández Mujico e José Antonio Novoa lles trasladaron aos representantes das distintas forzas políticas que concorrerán ás vindeiras eleccións autonómicas galegas, Adrián Bravo (BNG), Eva Solla (EN MAREA), Marta Rodríguez (PP) e Patricia Vilán (PSdG-PSOE), as súas propostas para dar visibilidade política á situación das persoas con diversidade funcional no noso país.

Rompendo moldes: novas alternativas para as persoas con diversidade funcional

Anxela López Leiceaga na xornada Rompendo moldes

O pasado 4 de xuño celebrouse as xornadas: "Rompendo moldes: novas alternativas para as persoas con diversidade funcional", organizadas pola asociacion galega de saúde mental en Lamiño (Brión) intervindo Anxela López baixo o título “Outra vida é posible" presentando a OVI de Galicia, incidindo na figura do AP e Asistencia Sexual e cuestionando unha vez máis o modelo médico-rehabilitador por todos os presentes o acto.

Xornadas “Saúde e Sexualidade”

Anxela López Leiceaga durante a súa intervención na Xornada sobre saúde e sexualidade

A mesa redonda "Diversidade funcional e sexualidade" puxo fin á xornada coa intervención da presidenta de VIGALICIA, Anxela López Leiceaga.
A sexualidade dende o punto de vista das persoas con diversidade funcional foi o centro da intervención de Anxela, que falou do recurso da "asistencia sexual", que explicou como unha ferramenta que empodera a persoa no ámbito sexual, nos permite acceder o noso corpo e a expresión sexual en igualdade de condicións respecto o resto dos cidadáns. Unha figura en construción e que xa existe noutros países e en España recentemente, aínda que non está recoñecida. A sexualidade é un dereito humano recoñecido na Convención da ONU dos Dereitos das persoas con diversidade funcional, que ampara o ideario do movemento de Vida Independente. As institucións públicas deben velar polo cumprimento do disposto na mesma, defendeu a Presidenta de VIGALICIA.

Xornada sobre saúde e sexualidade

Logotipo da Xornada sobre saúde e sexualidade

A Xornada sobre saúde e sexualidade terá lugar o próximo día 27 de maio de 2016, en conmemoración do Día Internacional de acción pola Saúde das Mulleres, na Sala Juanjo Gallo do Pazo Provincial da Coruña.

Proxección do documentario Yes, we fuck! en Allariz

XII xornadas para a igualdade en Allariz

O 17 de marzo ás 21:30 h. no Café Cultural Roi Xordo terá lugar a proxección do documentario Yes, we fuck!

A actividade forma parte das XII xornadas para a igualdade e será moderada por Anxela López, Membra do Foro de Vida Independente e presidenta de VIGalicia.

Diversidade funcional e dereito ao pracer

Deconstruír a sexualidade para a arredar desa “visión parcial” que a reduce á “xenitalidade” mais tamén garantir o dereito de todas as persoas a gozar dela. Eis a loita das persoas con diversidade funcional. Non son “anxos”, defenden.

Graffiti de Banksy representando dúas persoas persoas con diversidade funcional abrazándose

Autora: Olalla Rodil. Publicada en Sermos Galiza o 22 de outubro de 2015. Nº 168.

Todas as persoas –a priori- se masturban, gozan ao experimentar e desenvolver a súa sexualidade e precisan afecto, físico e emocional. Así o recoñece desde o ano 2002 a Organización Mundial da Saúde cando definiu a sexualidade como "un aspecto central do ser humano ao longo da vida". Un dereito que vai para alén do sexo e abrangue a “identidade de xénero, a orientación sexual, o erotismo, o pracer, a intimidade e a reprodución".

Porén, "un dos tantos estereotipos que existen sobre as persoas con diversidade funcional é que non teñen desexo, que non son desexábeis", sinala Toño Nóvoa, integrante do Foro de Vida Independente. "É algo frecuente a infantilización das persoas con diversidade funcional”, “sen interese”. “Hai unha fenda enorme entre a persoa e a imaxe limitada que se ten dela, coma se fosemos anxos", asegura.

VIGALICIA reproba a vueling pola vulneración dos dereitos dunha persoa con diversidade funcional


O pasado 3 de setembro, Anxela López, unha compostelá con diversidade funcional, membro de VIgalicia, colleu un voo a Amsterdam para dar comezo ás súas vacacións estivais na compaña do seu asistente persoal. Neste voo de ida a compañía Vueling non puxo ningún impedimento para que esta pasaxeira viaxase na súa cadeira de rodas motorizada.

Tras pasar uns días na capital holandesa, Anxela dispúxose a coller o voo de volta que a debería de trasladar a Santiago. A súa sorpresa foi maiúscula cando dende Vueling lle dixeron que: “non pode viaxar na súa cadeira por exceso de peso”, motivo polo que lle denegaron o embarque, cambiandolle o voo para o día seguinte as 10,00 horas.

Anxela López no programa "Convivir en igualdade"

Anxela López participa no programa "Convivir en igualdade" da Radio Galega.

Anxela fala entre outros asuntos, dos dereitos vulnerados, o incumprimento da Convención, a falta de asistencia personal, o dereito á maternidade... ademáis de animar á asistencia á IX Marcha pola Visibilidade da Diversidade Funcional que se celebrará o próximo 19 de setembro.

Syndicate content

Traducir

Síguenos

  • Logotipo da Federación de Vida Independente, clic para acceder á web [Abrirá unha nova ventá]
  • Logotipo do Foro de Vida Independiente y Divertad, clic para acceder á web [Abrirá unha nova ventá]
  • Logotipo da Asociación SOLCOM, clic para acceder á web [Abrirá unha nova ventá]
  • Logotipo de Derechos Humanos Ya, clic para acceder á web [Abrirá unha nova ventá]