Declaración Mundial de Contribución das Persoas con Diversidade Funcional a unha Cultura de Paz

Adhírete á declaración

A Declaración Mundial é unha das primeiras iniciativas desta área de traballo. Desde este novo espazo sobre Paz, denúnciase a exclusión sistemática e permanente das persoas con diversidade funcional nas súas investigacións e actuacións.

A Declaración é unha primeira resposta a esa constante invisibilización. Desde a perspectiva dos Dereitos Humanos, da Convención Internacional da ONU, xunto coa Filosofía do movemento mundial de Vida Independente, reclámase que se traballe por unha Cultura de Paz emancipatoria e inclusiva.

As mulleres e homes, con ou sen diversidade funcional, deben recibir formación en Educación para a Paz e Educación en Dereitos Humanos, a fin de poder converterse en construtoras e construtores de Paz. Así como unha educación para unha Cultura de Vida Independente inclusiva para todas e todos.

Esta Declaración conta con apoio de destacadas institucións, así como do respaldo de numerosas personalidades do ámbito político, académico e da sociedade civil. Ver os apoios.

O Centro Documental para a Vida Independente (CEDOVI), do Servizo de Participación e Integración Universitaria (SEPIU), ), da Universidade de Santiago de Compostela, habilitou un sistema de adhesións á Declaración Mundial desde a súa web.

Que é a Declaración mundial de contribución das Persoas con diversidade funcional a unha Cultura de Paz?

logotipo do Centro Unesco da Comunidade de Madrid

É unha iniciativa do Centro Unesco da Comunidade de Madrid, na que participan numerosas expertas e expertos de todo o mundo e que aínda se atopa en fase de borrador. O obxectivo principal da declaración é sentar as bases para a construción dunha Cultura de Paz, que se logrará necesariamente mediante a eliminación de todo tipo de discriminación, xa sexa funcional, de sexo, de raza, relixiosa, etc.

logotipo do Foro Mundial de Educación 2010

En decembro do presente ano, celebrarase en Santiago de Compostela o Foro Mundial de Educación 2010 de “Educación, Investigación e Cultura de Paz” , e é neste contexto onde a Declaración Mundial pretende ver a luz co propósito de advertir á comunidade internacional sobre a necesidade de asumir e consolidar o concepto de Vida Independente e inclusión das persoas con diversidade funcional, sen os que sería imposible cimentar unha verdadeira Cultura de Paz.

Descargar a Declaración (PDF 114 Kb).

Adhírete á declaración

Traducir

Síguenos

  • Logotipo da Federación de Vida Independente, clic para acceder á web [Abrirá unha nova ventá]
  • Logotipo do Foro de Vida Independiente y Divertad, clic para acceder á web [Abrirá unha nova ventá]
  • Logotipo da Asociación SOLCOM, clic para acceder á web [Abrirá unha nova ventá]
  • Logotipo de Derechos Humanos Ya, clic para acceder á web [Abrirá unha nova ventá]