Infórmate

Participación de VIgalicia en “Somos e sumamos”

Anxela López e Juan José Maraña

O dous de decembro celebrouse a I Xornada de Diversidade Funcional “Somos e sumamos”, organizada polo Grupo de Persoas con Discapacidade da Coruña (GRUMICO) en colaboración coa Unidade de Atención á Diversidade da Universidade da Coruña.

A xornada contou coa presenza de Anxela López Leiceaga e Juan José Maraña, membros de VIgalicia.

Proxección de Yes, we fuck en Ponteareas

Cartel do festival das brétemas.JPG

O pasado sábado, 1 de outubro, proxectouse o documental "yes, we fuck" no salón de plenos da Casa do Concello de Ponteareas. O acto, organizado pola asociación cultural FestiVal das Brétemas forma parte da V edición, dedicada a "Corpos e sexualidades", e contou coa presenza de Anxela López membro do Foro de Vida Independente e presidenta de VIgalicia.

Anxela, participante no documental, falou da importancia de visibilizar a sexualidade das persoas “diferentes” como algo natural e necesario, deses corpos que a sociedade non considera normais, que os discrimina e os oculta.

VIGalicia trasládalles as súas propostas ás forzas políticas galegas

Representantes das organizacións políticas e de VIgalicia durante a reunión

O martes 6 de setembro a sede da Fundación Euxenio Granel de Santiago de Compostela acolleu unha mesa redonda de carácter informativo. Na mesma, os representantes de VIGalicia (Vida Independente Galicia) Anxela López, Juan José Maraña, Kiko Fernández Mujico e José Antonio Novoa lles trasladaron aos representantes das distintas forzas políticas que concorrerán ás vindeiras eleccións autonómicas galegas, Adrián Bravo (BNG), Eva Solla (EN MAREA), Marta Rodríguez (PP) e Patricia Vilán (PSdG-PSOE), as súas propostas para dar visibilidade política á situación das persoas con diversidade funcional no noso país.

Rompendo moldes: novas alternativas para as persoas con diversidade funcional

Anxela López Leiceaga na xornada Rompendo moldes

O pasado 4 de xuño celebrouse as xornadas: "Rompendo moldes: novas alternativas para as persoas con diversidade funcional", organizadas pola asociacion galega de saúde mental en Lamiño (Brión) intervindo Anxela López baixo o título “Outra vida é posible" presentando a OVI de Galicia, incidindo na figura do AP e Asistencia Sexual e cuestionando unha vez máis o modelo médico-rehabilitador por todos os presentes o acto.

Xornadas “Saúde e Sexualidade”

Anxela López Leiceaga durante a súa intervención na Xornada sobre saúde e sexualidade

A mesa redonda "Diversidade funcional e sexualidade" puxo fin á xornada coa intervención da presidenta de VIGALICIA, Anxela López Leiceaga.
A sexualidade dende o punto de vista das persoas con diversidade funcional foi o centro da intervención de Anxela, que falou do recurso da "asistencia sexual", que explicou como unha ferramenta que empodera a persoa no ámbito sexual, nos permite acceder o noso corpo e a expresión sexual en igualdade de condicións respecto o resto dos cidadáns. Unha figura en construción e que xa existe noutros países e en España recentemente, aínda que non está recoñecida. A sexualidade é un dereito humano recoñecido na Convención da ONU dos Dereitos das persoas con diversidade funcional, que ampara o ideario do movemento de Vida Independente. As institucións públicas deben velar polo cumprimento do disposto na mesma, defendeu a Presidenta de VIGALICIA.

Xornada sobre saúde e sexualidade

Logotipo da Xornada sobre saúde e sexualidade

A Xornada sobre saúde e sexualidade terá lugar o próximo día 27 de maio de 2016, en conmemoración do Día Internacional de acción pola Saúde das Mulleres, na Sala Juanjo Gallo do Pazo Provincial da Coruña.

Proxección do documentario Yes, we fuck! en Allariz

XII xornadas para a igualdade en Allariz

O 17 de marzo ás 21:30 h. no Café Cultural Roi Xordo terá lugar a proxección do documentario Yes, we fuck!

A actividade forma parte das XII xornadas para a igualdade e será moderada por Anxela López, Membra do Foro de Vida Independente e presidenta de VIGalicia.

Encontro “Persoas con Diversidade Funcional e Dereitos Humanos" en Lugo

De izquierda a derecha: Mónica Sumay, Anxela López, Estela Martinez y Manuel Piñeiro (Pallín) [Clic para ampliar a imaxe]

O pasado 5 de xuño tivo lugar en Lugo o encontro “Persoas con Diversidade Funcional e Dereitos Humanos. Enerxía en acción para un novo Horizonte de Xustiza.

O acto comezou coa intervención de Manuel Piñeiro (Pallín), Presidente da Fundación Amigos de Galicia, que eloxiou a intensa traxectoria de SOLCOM e VIgalicia no activismo social e a prol dos dereitos humanos.

Lugo - SOLCOM e VIGALICIA presentan a 3ª Campaña de Difusión da Convención da ONU sobre discapacidade

Encontros Persoas con Diversidade Funcional e Dereitos Humanos

Enerxía en acción para un novo Horizonte de Xustiza

Lugo - 5 de xuño de 2014

Cartel do encontro [Clic para ampliar a imaxe]

Data: Xoves 5 de xuño de 2014.

Hora: 17:30h

Lugar: Centro Social Uxío Novoneyra, Rúa Quiroga Ballesteros Nº 1. Lugo

A Consellería de Educación vulnera o dereito á educación e á saúde de Arturo

Arturo [Clic para ampliar a imaxe]

Arturo é un neno coruñes con autismo. Dende fai anos cursa estudios no CEIP Salgado Torres da cidade herculina. Ata o de agora o rendemento de Arturo tanto no seu desenvolvemento persoal como a nivel de relacion con mestres e compañeiros fora satisfactorio.

As cousas mudaron a principios do presente curso lectivo cando os pais de Arturo se deron conta dun cambio repentino de actitude no rapaz, cando a penas pasaran 5 días dende o comezo das clases. Os mestres de Arturo foron sustituídos por outros e retiraron as adaptacións que o neno tiña na aula, así como as pautas de comportamento con relación a Arturo (a nova profesora diríxese ao neno a berros). A todo esto uníuse un feito moi significativo: a supresión dos apoios visuais que Arturo utilizaba para comunicarse.

Syndicate content

Traducir

Síguenos

  • Logotipo da Federación de Vida Independente, clic para acceder á web [Abrirá unha nova ventá]
  • Logotipo do Foro de Vida Independiente y Divertad, clic para acceder á web [Abrirá unha nova ventá]
  • Logotipo da Asociación SOLCOM, clic para acceder á web [Abrirá unha nova ventá]
  • Logotipo de Derechos Humanos Ya, clic para acceder á web [Abrirá unha nova ventá]